Şagirdlər yarımilin sonunda böyük summativ qiymətləndirmənin əyani keçiriləcəyindən narazıdırlar.
Bildirilər ki, pandemiya dövründə dərslərin onlayn keçirilməsi fənlərin mənimsənilməsində çətinlik yaradıb. Bu da əyani keçiriləcək qiymətləndirmənin nəticələrinə mənfi təsir edir.
Xezerxeber.az-ın məlumatına görə, bir qrup şagird tvitter sosial şəbəkəsində "bsq ləğv olunsun" həştəqi ilə kampaniyaya da başlayıblar.
Təhsil eksperti Kamran Əsədov deyir ki, şagirdlərin pandemiya dövründə dərslərin mənimsənilməsilə bağlı narahatlıqları başadüşüləndir.
Qeyd edək ki, II-IX siniflərdə yarımilin sonunda bütün fənlər üzrə summativ qiymətləndirmə əyani, X və XI siniflərdə isə distant formada aparılacaq.
Xezerxeber.az mövzu ilə bağlı daha ətraflı videomaterialı təqdim edir: