Gürcüstanın Daxili İşlər
Nazirliyi (DİN) hakim "Gürcü Arzusu” Partiyasının Marneuli rayonunun
Qızılhacılı kəndindən bələdiyyə üzvlüyünə namizədi Ceyhun Çovdarov və
onun yanında olan üç nəfərin güllələnməsi ilə bağlı rəsmi məlumat yayıb.
XəzərXəbər xəbər verir ki, bu barədə Gürcüstan DİN-in rəsmi saytına məlumat yerləşdirilib.
Bildirilib
ki, oktyabrın 19-da Marneuli rayonunun Qızılhacılı kəndində "Gürcü
Arzusu” Partiyasının seçki qərargahının qarşısında naməlum şəxslər 4
nəfərə avtomatik silahdan atəş açıb:
"Yaralı şəxslər təcili
tibbi yardımla xəstəxanaya çatdırılıb. Onların həyatı üçün təhlükə
yoxdur. Faktla bağlı Cinayət Məcəlləsinin 117-ci maddəsi - qəsdən ağır
xəsarətin yetirilməsi maddəsi üzrə istintaq işinə başlanılıb.
Gürcüstan
daxili işlər naziri insidentdən dərhal sonra Giorgi Mqebrişvili hadisə
yerində olub, aparılan istintaqın detalları və yaralıların vəziyyəti ilə
tanış olub.