Bakıda naməlum şəxslər 18 yaşlı gənci əvvəlcə döyüb, sonra isə 8 bıçaq zərbəsi vurublar.
Xezerxeber.az-ın məlumatına görə, hadisə Nərimanov rayonu, Tələt Şıxəliyev küçəsindəki parkda qeydə alınıb. Həmin ərazidə 1999-cu il təvəllüdlü Abdullayev Əhliman Sakit oğlu ilə hələlik istintaqa adları bilinməyən şəxslər arasında mübahisə yaranıb. Dava zamanı Əhliman Abdullayevə 8 bıçaq zərbəsi endirilib. Xəsarət almış gənc 1 sayli Kliniki Tibbi Mərkəzə yerləşdirilib.
Hadisə ilə bağlı Nərimanov rayon polis idarəsində araşdırma aparılır.
Xezerxeber.az mövzu ilə bağlı daha ətraflı videomaterialı təqdim edir: