Neftin qiymətində davamlı artım ola bilərmi?

Bazarda neft tədarükü boldur, buna görə də qiymətlərin artmasına səbəb olacaq yeni bir “super dövr” ərəfəsində deyilik.

Bu barədə Beynəlxalq Enerji Agentliyinin (IEA) məlumatında deyilir. 

Agentliyə görə, neft qiymətlərində dramatik və davamlı artım gözlənilmir.

“Neft qiymətlərinin 70 dollara yaxınlaşması, bunun yeni bir “super dövr” ilə müşayiət olunduğu məsələsini gündəmə gətirdi. Ancaq məlumatlarımız və təhlillərimiz bunun əksini deyir. Əvvəla, neft ehtiyatları qiymətdəki azalmaya baxmayaraq hələ də yüksəkdir. Əlavə olaraq, neft çənlərində qlobal neft bazarını təmin edəcək kifayət qədər məhsul var. İnkişaf etmiş ölkələrdəki neft ehtiyatları isə 110 milyon barrel ilə hələ də, keçən ilin yanvar ayının səviyyəsindən yüksəkdir”, - deyə IEA bildirib.