Xəzər Xəbər

Universitetlərdə yay imtahanları bitdi - Ən çox kəsir hansı ali məktəbdə qeydə alındı?

Araşdırma | 11:49 • 6 İyul 2017
Universitetlərdə yay imtahanları bitdi -

Daha bir tədris ili sona çatdı. Artıq bir neçə universitetdə yaz-yay sessiyasının imtahanları bitib.

Modern.az saytı universitetlərdə keçirilən imtahanların yekun nəticələrini öyrənmək üçün bir neçə ali təhsil ocağı ilə əlaqə saxlayıb.

Azərbaycan Memarlıq və İnşaat Universitetinin mətbuat xidmətinin rəhbəri Nəcibə Mirzəyeva:

"Universitetdə 2016-2017-ci tədris ilinin yaz semestr imtahanları buraxılış kursunu əhatə etməklə may-iyun aylarında imtahan zallarında mərkəzləşmiş qaydada rektorluq tərəfindən təşkil edilib. İmtahanlar yazılı, test, o cümlədən xüsusi qabilliyət tələb edən fənlər üzrə xüsusi auditoriyalarda təşkil olunub. İmtahan sessiyası müddətində Appelyasiya Komissiyasına 400 müraciət daxil olub. Onlardan 300-ü yazılı qaydada verilən imtahanlarla bağlı, 100-ü isə test üsulu ilə verilən imtahanlarla bağlı olub. Appelyasiya Komissiyası tərəfindən müraciətlərə diqqətlə yanaşılıb və müvafiq qərarlar qəbul edilib. Ümumilikdə imtahanlar 473 qrupda yazılı, 544 qrupda test və 198 qiyabi qruplar arasında aparılıb.

İmtahan sessiyasının mövcud qaydalara uyğun təşkil edilməsi, tələbələrin biliyinin qiymətləndirilməsində şəffaflığın və obyektivliyin təmin olunması, daxil olan hər bir şikayətin çevik şəkildə araşdırılıb lazımi ölçü götürülməsi universitet rəhbərliyinin daim diqqət mərkəzində olub”.

Azərbaycan Texniki Universiteti mətbuat xidmətinin rəhbəri Nicat Abdullayev:

"Universitetdə yaz imtahan sessiyası müvəffəqiyyətlə başa çatdı. İmtahanlar iki formada-yazılı və test üsulu ilə keçirildi. Test imtahanlarında iştirak edənlər adətən 2-ci, 3-cü və 4-cü kurslar olub. Yazılı imthanlarda isə 1-ci kurs tələbələri, universitetin Xüsusi Texnika və Texnologiya fakültəsinin, "Sabah” qrupunun tələbələri və magistrları iştirak edib. Konkret olaraq neçə faiz tələbənin kəsilməsi və ya imtahandan keçməsi ətrafında analiz aparılmasa da, imtahanlar uğurla başa çatıb. Bütün ali təhsil müəssisələrində olduğu kimi hazırlıqlı və savadlı tələbələr imtahandan keçiblər. Kəsri olan tələbələr isə qaydalara uyğun olaraq növbəti imtahanlara qalıblar”.

Azərbaycan Dövlət Pedaqoji Universitetinin İctimaiyyətlə əlaqələr şöbəsinin müdiri Mənsur İbrahimov:

"Azərbaycan Dövlət Pedaqoji Universitetində 2016-2017-ci tədris ilinin yaz semestrinin imtahan sessiyası iyun ayının 30-da başa çatdı. İmtahanlar qrafikə uyğun olaraq hər gün saat 9:00-da başlayıb, 17:30-da başa çatıb. Yazılı imtahanlar gün ərzində 3 dəfə- saat 9:00, 12:00, 15:00-da keçirilib. Test üsulu ilə gün ərzində hər 45 dəqiqədən bir imtahanlar keçirilib. Gün ərzində təxminən 2700 nəfər tələbə imtahan verib. Onlardan 1500 nəfəri test üsulu ilə, 1200 nəfəri isə yazılı imtahan verib.

Bütün imtahanların nəticələri günün sonunda ADPU-nun İnternet saytına yerləşdirilib. İmtahan prosesinə heç bir kənar müdaxilə yol verilməyib, tələbələrə biliklərini nümayiş etdirmək üçün lazımi şərait yaradılıb.

Sessiya müddətində ADPU-nun İmtahan Qərargahına 96 müraciət daxil olub. Onlardan 60-ı yazılı qaydada verilən imtahanlarla, 36-sı isə test üsulu ilə verilən imtahanlarla bağlı olub. Yazılı qaydada verilən imtahanlarla bağlı müraciət edən 60 nəfərin 44-ü imtahan zamanı telefondan istifadə etdiklərinə görə, 16-sı isə konspektən istifadə etdiklərinə görə işləri protokallaşdırılıb və onların imtahan nəticələri ləğv edilib. Test üsulu ilə verilən imtahanlarla bağlı müraciət edən 38 nəfərdən 18-nin adı "qara siyahı”dan çıxarılıb və onların yenidən imtaha buraxılması təmin edilib, digərləri barədə isə müvafiq qərarlar qəbul edilib.

Apellyasiya Komissiyasına isə 1055 müraciət daxil olub. Onlardan 905-i yazılı qaydada verilən imtahanlarla bağlı, 150-si isə test üsulu ilə verilən imtahanlarla bağlı olub. Araşdırılan 878 müraciətdən 451-i müsbət əldə edilib, digərləri isə qüvvəsində qalıb. Qalan müraciətlər araşdırılır.

ADPU-nun 5 filialında-Ağcabədi, Şəki, Şamaxı, Quba və Cəlilabad filiallarında, həmçinin ADPU-nun nəzdində Azərbaycan Dövlət Pedaqoji Kollecində də yaz semestrinin imtahan sessiyası şəffaf və ədalətli keçirilib”.

Qərb Universitetinin İctimaiyyətlə əlaqələr şöbəsinin əməkdaşı Vüsal Məmmədov:

"Bildiyiniz kimi, Qərb Universiteti son dövrlərdə bir sıra dəyişikliklərə imza atıb və bu dəyişikliklər təhsilin keyfiyyətinin artırılması, eləcə də tələbələrin tədrisə marağının təşviq edilməsinə hesablanıb. Məhz bu yaz imtahan sessiyası ərəfəsində imtahanların təşkili ilə də bağlı universitetimiz bir sıra unikal yeniliklər edilib.

Belə ki, Qərb Universitetində mövcud imtahan formaları ilə yanaşı, yeni imtahan modelləri tətbiq olunur. Bunlar "Açıq kitab”, "Təqdimat”, "Keys həlli” kimi beynəlxalq akademik səviyyədə tətbiq olunan üsullardır. Bu üsullar tələbələrə yalnız nəzəri deyil, praktik biliklərin də mənimsəməyə imkan verir, tələbələrin səthi biliklərdən, əzbərçilikdən uzaqlaşaraq, düşünmək və təhlil aparmaq qabiliyyətini üzə çıxarır və inkişaf etdirir. Daha bir maraqlı fakt odur ki, artıq Qərb Universitetində tələbələr imtahan formasını özləri müəyyən edirlər.

Bu sessiyada da aşağı nəticələr göstərən tələbələr var və onlar üçün ödənişsiz əsaslarla intensiv kurslar və konsultasiya saatları təşkil olunacaq, daha sonra onlar növbəti dəfə imtahanda iştirak imkanı qazanacaqlar.

Təbii ki, kəsilən tələbə həmişə nəticə ilə razılaşmır. Çox az sayda olsa da, apelliyasiyaya müraciət edən tələbələr oldu. Onların nəticələri, imtahan cavabları bir daha diqqətlə nəzərdən keçirildi və müvafiq qərarlar qəbul olundu. Belə hallarda tələbəyə onun cavabları ilə bağlı şərh və istiqamət verilir ki, əlavə şans imtahanlarında eyni səhvləri təkrarlamasın”.

"Azərbaycan” Universitetinin ictimaiyyətlə əlaqələr şöbəsi:

"Universitetdə yaz imtahan sessiyası 18 mayda başlayıb 3 iyul tarixində başa çatdı. 4 fakültə üzrə 430 imtahan təşkil edildi. Qeyd edim ki, apellyasiya komissiyasına 200 ərizə daxil olub. Onların üzərində hələ də iş gedir. Üzrlü səbəbdən imtahanlarda iştirak etməyən tələbələr üçün yenidən imtahan təşkil olunub.

İmtahanların gedişinə nəzarətçilər və zallarda quraşdırılmış kameralar vasitəsilə nəzarət olunub. Sessiyanın uğurla başa çatdırılması, normativ sənədlərə uyğun keçirilməsinə kömək etmək məqsədilə operativ qərargah fəaliyyət göstərib”.

Rubrikanın digər xəbərləri

Goranboyda evə silhalı hücum
Goranboyda evə silhalı hücum SAXLANILANLAR VAR
10:05 • 7 Aprel 2023
Azərbaycanın koronavirusa qarşı effektli mübarizəsi
Azərbaycanın koronavirusa qarşı effektli mübarizəsi – Tək çıxış yolu budur
18:53 • 17 Mart 2020
Yeni tədris ilində təhsil haqlarında artım olacaqmı? -
Yeni tədris ilində təhsil haqlarında artım olacaqmı? - SİYAHI - ARAŞDIRMA
11:20 • 21 İyul 2017
Bakıda siçan və siçovullar artıb -
Bakıda siçan və siçovullar artıb - “JEK”lərsə problemə baş qoşmaq istəmir - RƏSMİ
11:26 • 11 İyul 2017
Universitetlərdə yay imtahanları bitdi -
Universitetlərdə yay imtahanları bitdi - Ən çox kəsir hansı ali məktəbdə qeydə alındı?
11:49 • 6 İyul 2017
Facebookun bizimlə keçirdiyi gizli sınaqlar -
Facebookun bizimlə keçirdiyi gizli sınaqlar - ARAŞDIRMA
10:17 • 27 İyun 2017
Hansı ölkələrdə hərbi xidmətə çağırış məcburi, hansında könüllüdür...
09:53 • 22 Aprel 2017
Azərbaycanın avtomobil bazarında kəskin
Azərbaycanın avtomobil bazarında kəskin BAHALAŞMA
14:20 • 15 Aprel 2017

Xəbər lenti