Bu gün “Qəbələ” “Qarabağ”ın, “Neftçi” “Zirə”nin qonağı olacaq

Bu gün Azərbaycan Premyer Liqasında XXXI turun növbəti oyunları keçiriləcək.

Xezerxeber.az xəbər verir ki, “Qarabağ” doğma meydanda “Qəbələ” ilə qarşılaşacaq. Tofiq Bəhramov adına Respublika Stadionunda oynanılacaq görüş saat 16:30-da start götürəcək.

Günün digər matçında “Neftçi” “Zirə”nin qonağı olacaq. Zirə İdman Kompleksinin stadionunda reallaşacaq matç saat 19:00-da başlayacaq.

Qeyd edək ki, açılış oyununda ötən gün “Sumqayıt” “Turan Tovuz”a 4:1 hesabı ilə qalib gəlib.

Tura aprelin 21-də “Araz-Naxçıvan” - “Səbail”, “Kəpəz” – “Sabah” qarşılaşmaları ilə yekun vurulacaq.