Bu gün Gəncədə yanan evdə bir ailənin 3 üzvü ölüb.
Xezerxeber.az-ın məlumatına görə, dəhşətli hadisə Kəpəz rayonundakı fərdi yaşayış evlərindən birində baş verib.
Fövqəladə Hallar Nazirliyinin "112" qaynar xəttinə yanğın barədə məlumat daxil olan kimi ilk yanğınsöndürmə avtomobili saat 04:27-də hadisə yerinə çatıb və alovların söndürülməsi işlərinə başlanıb. Ümumi sahəsi 160 kvadratmetr olan birmərtəbəli dördotaqlı evdə baş verən yanğının kəşfiyyatı zamanı 1990-cı il təvəllüdlü Məmmədov Bahəddin Qəşəm oğlu, onun övladları- 2007-ci il təvəllüdlü Turqay və 2012-ci il təvəllüdlü Mələkin meyitləri aşkar olunaraq aidiyyəti üzrə təhvil verilib.
Hadisə ilə əlaqədar müvafiq qurumlar tərəfindən təhqiqat aparılır.
Xezerxeber.az mövzu ilə bağlı daha ətraflı videomaterialı təqdim edir: