Şadlıq evlərində reydlər davam etdirilir. Sumqayıtda keçirilən reyd zamanı məlum olub ki, restoran sahibləri nə gələnlərin sayına nəzarət edir, nədəki toya dəvət edilən vətəndaşların COVID-19 pasportları var. Qaydalara əməl etməyən 12 restoran cərimələnib, 3 restoran sahibinə isə cinayət işi açılıb
Nə saya əməl edilir, nədəki, gələn qonaqların COVID-19 posportları var.
Görüntülər Sumqayıt şəhərində restoranlarda keçirilən reyddəndir.
Reyd zamanı məlum olub ki, mövcud tələblər pozularaq toylarda icazə verilən saydan artıq qonaqlar iştirak edib. Eləcədə mərasimlərə qatılan şəxslərin əksəriyyətinin vaksinasiya olunmalarını təsdiq edən COVID-19 pasportu yoxdur.
Edilən xəbərdarlıqlara məhəl qoymayaraq karantin qaydalarına zidd toy məclisi təşkil etdiyi üçün Sumqayıda 3 restoran sahibinə qarşı cinayət işi açılıb.
Bildirildi ki, şadlıq saraylarında 50 nəfərə qədər olan məclisdələrdə tibbi maskadan istifadə mütləqdir. 150 nəfərə qədər olan məclislərdə isə vətəndaşlardan COVİD 19 pasportunun olması tələb olunur.
Qeyd edək ki, Sumqayıt şəhəri ərazisində karantin qaydalarına əməl olunmasına nəzarəti gücləndirmək məqsədi ilə şadlıq evləri və digər qapalı məkanlarda polis əməkdaşları tərəfindən profilaktik tədbirlər mütəmadi olaraq həyata keçiriləcək.