ESET ekspertləri Instagram parol və loqinlərini oğurlayan 13 tətbiq müəyyən ediblər. Dələduzlar iddia edirdilər ki, tətbiq sosial şəbəkədə təqibçilərin, layk və şərhlərin sayını artıracaq.
Buna inanan istifadəçilər də heç nədən
şübhələnmədən tətbiq üçün tələb olunan parol və loqinlərini qeyd
edirdilər. Həmin məlumatlar adi mətn formasında hakerlərin əlinə keçir.
Bundan sonra tətbiq akkaunta giriş
zamanı səhv parol barədə məlumat ötürür. Məsələ burasındadır ki,
Instagram akkaunt sahiblərini qeyri-qanuni girişlər barədə xəbərdarlıq
edir. İstifadəçi dələduzun əvəzinə akkauntun verifikasiyası
prosedurunu keçir, bebəliklə də tətbiq sahibləri Sosial şəbəkənin
şübhələrini öz üzərindən atır. Sındırılmış akkauntlar vasitəsi ilə
spam yayılır, həmçinin təqibçi, layk və şərh «paketləri» satılır.
Hazırda tətbiqlər GooglePlay-dən silinib.
Lakin əgər belə tətbiqdən istifadə etmisinizsə, dərhal Instagram
akkauntun parolunu dəyişin.