Amerika Birləşmiş Ştatlarının "Toksikologiya üzrə milli proqram” təşkilatının üzvləri smartfonların şüalarının insan orqanizminə nə dərəcədə mənfi təsir göstərə biləcəyini öyrənməyə çalışıb.
Təşkilat mobil telefonların şüalarının insanlara nə kimi ziyan verə biləcəyini müəyyən etmək məqsədilə 2 tədqiqat keçirib. Tədqiqatlar nəticəsində isə smartfonlardan istifadə zamanı, şüaların insan sağlamlığını təhlükəyə atacaq heç bir mənfi reaksiyasının olmamasına qərar veriblər. Bununla yanaşı, bəzi normativlərə riayət olunması da tövsiyə edilib.
Təşkilat apardığı tədqiqatların yekun nəticələrini rəsmi
səhifələrində yayımlayıb. Hesabatda qeyd olunur: "Hazırda
ionlaşmayan şüalanmanın xərçəng xəstəliyinin inkişaf riskini
artırması ilə bağlı əsaslı sübutlar mövcud deyil. Getdikcə
populyarlıq qazanan "hands-free” texnologiyaları, o cümlədən simli
və simsiz qarniturlar başa və beyinə radiotezlik təsirini azalda
bilərlər”.
Tədqiqat çərçivəsində mütəxəssislər təcrübələri ilk olaraq
siçovullar üzərində apardıqlarını vurğulayıblar. Belə ki,
siçovulları smartfonları və mikrodalğalı sobaların buraxdıqları
şüalar kimi radiotezlik şüalanmasının təsirinə məruz qoyublar.
Uzunmüddətli şüalanmadan sonra heyvanlarda oxşar şüalanmaya məruz
qalmayan digər siçovullarda olduğu kimi, eyni sağlamlıq
göstəriciləri aşkarlanıb. Onların bəzisi hətta daha çox ömür
sürüb.
Eyni zamanda tədqiqatçılar tərəfindən mobil telefonlardan həddən
artıq istifadə etməmək və yuxu zamanı uzaqda saxlamaq tövsiyə
edilir./publika.az