Qida Təhlükəsizliyi Agentliyi ölkə ərazisində qanunvericiliyin tələbləri çərçivəsində qida təhlükəsizliyinin təmin edilməsi və istehlakçı hüquqlarının müdafiəsi sahəsində tədbirləri davam etdirir.
Agentlikdən xezerxeber.az-a verilən məlumata görə, Göyçay şəhərinin Nizami küçəsində fiziki şəxs Nağıyev Tərlan Məmmədtağı oğluna məxsus çörək və un məmulatlarının istehsalı müəssisəsində yoxlama aparılıb.
Yoxlama zamanı müəssisədə sanitar-gigiyena qaydalarına əməl olunmadığı və işçilərin tibbi müayinədən keçmədiyi aşkar edilib.
Aşkar olunmuş nöqsanlarla əlaqədar qanunvericiliyin tələblərinə uyğun olaraq müəssisənin rəhbərliyi inzibati qaydada məsuliyyətə cəlb olunub. Araşdırmalar davam etdirilir.