Bakı 27 ℃
Xəzər Xəbər
USD 1.7

Türkiyə milli komandasının Avropa çempionatı üçün geniş heyəti açıqlanıb

İdman | 131 | 14:44 • 14 May 2021
Türkiyə milli komandasının Avropa çempionatı üçün geniş heyəti açıqlanıb

Futbol üzrə Türkiyə milli komandasının Avropa çempionatı üçün geniş heyəti müəyyənləşib.

Anadolu agentliyi xəbər verir ki, baş məşqçi Şenol Güneş 30 oyunçuya dəvət göndərib.

Təlim-məşq toplanışı mayın 18-də start götürəcək. Baş məşqçi iyunun 1-dək 26 futbolçudan ibarət yekun heyəti açıqlamalıdır.

Geniş heyətdə qapıçılardan Mert Günok (“Başakşehir”), Uğurcan Çakır (“Trabzonspor”), Altay Bayındır (“Fənərbağça”), Gökhan Akkan (“Rizespor”), müdafiəçilərdən Zeki Çelik (“Lill”, Fransa), Kaan Ayhan, Mert Müldür (hər ikisi – “Sassuolo”, İtaliya), Merih Demiral (“Yuventus”, İtaliya), Ozan Kabak (“Liverpul”, İngiltərə), Çağlar Söyüncü (“Lester Siti”, İngiltərə), Umut Meraş (“La Havre”, Fransa) Rıdvan Yılmaz (“Beşiktaş”), yarımmüdafiəçilərdən Mahmut Tekdemir (“Başakşehir”), Okay Yokuşlu (“Vest Bromviç” İngiltərə), Taylan Antalyalı (“Qalatasaray”), Dorukhan Toköz (“Beşiktaş”), Ozan Tufan, İrfan Can Kahveci (hər ikisi – “Fənərbağça”), Orkun Kökçü (“Feyenord”, Niderland), Yusuf Yazıcı (“Lill”, Fransa), Hakan Çalhanoğlu (“Milan”, İtaliya), hücumçulardan isə Cengiz Ünder (“Lester Siti”, İngiltərə), Efecan Karaca (“Alanyaspor”), Halil Akbunar (“Göztepe”), Abdülkadir Ömür (“Trabzonspor”), Kerem Aktürkoğlu, Halil İbrahim Dervişoğlu (hər ikisi – “Qalatasaray”) Burak Yılmaz (“Lill”, Fransa), Enes Ünal (“Xetafe”, İspaniya), Kenan Karaman (“Fortuna”, Almaniya) yer alıblar.

Qeyd edək ki, AVRO-2020 bu il iyunun 11-dən iyulun 11-dək keçirilməlidir. Təqvimə əsasən, Bakı Olimpiya Stadionu A qrupunun İsveçrə - Uels, Türkiyə - Uels və Türkiyə - İsveçrə qarşılaşmalarına, eləcə də dörddəbir final mərhələsinin bir oyununa ev sahibliyi edəcək.

Xatırladaq ki, komanda mayın 27-də Alanya şəhərində Azərbaycan seçməsi yoldaşlıq görüşündə üz-üzə gələcək. “Ay-ulduzlular”ın iyunun 3-dəki rəqibi Moldova olacaq. Mayın 31-də Şimali İrlandiya ilə matç ləğv edilib.

 

 

Xəbər lenti

Kür çayında iki nəfər batıb
25 | 18:15 • 13 İyun 2021

Çox oxunanlar