Ermənistan və Macarıstan qarşılıqlı olaraq səfirliklər açacaqlar

Ermənistan və Macarıstan qarşılıqlı olaraq İrəvan və Budapeştdə səfirlik açacaqlar.

Xezerxeber.az "Sputnik Armenia"ya istinadən xəbər verir ki, iki ölkənin XİN rəhbərləri bugünkü görüşdə bu barədə razılığa gəliblər.

"Əvvəllər konsulluq nümayəndəliklərinin açılmasından danışılırdı, lakin son il yarım ərzində birgə işin atmosferi və nəticələrini” nəzərə alaraq, bu irəliləyiş diplomatik münasibətlərin ən yüksək səviyyəsi ilə üst-üstə düşməlidir”, - deyə macar nazir Peter Siyarto brifinqdə bildirib.

Son vaxtlara qədər İrəvanla Budapeşt arasında əlaqələr dondurulmuşdu.