Fransada dərman şirkəti 2,7 milyon avro cərimə edilib.
Buna səbəb şirkətin istehsal etdiyi dərman olub. Belə ki, "Mediator” adlı arıqlama dərmanının qəbulundan sonra 2 min insan dünyasını dəyişib. Nəticədə şirkət "səhlənkarlıq və qəsdən ölüm” iddiaları ilə məhkəməyə verilib.
Məlumata görə, "Servier” adlı şirkət paralel olaraq 7 ayrı cinayətə görə mühakimə olunub. Məhkəmədə 100-dən çox şahid dinlənilib. Fransada sağlamlıq fondları da daxil olmaqla, 6500 nəfər şirkətdən 1 milyard avro təzminat istəyib.
Qeyd edək ki, adıçəkilən dərman 2009-cu ildə qadağan edilib. Həmin dərmanın bir sıra fəsadları olduğuna görə, 2010-cu ildə şirkətə qarşı istintaq işi aparılıb. Buna baxmayaraq, dərmanın 5 milyondan çox istehlakçısı olub./Sfera.az