"Apple”in bu il gözlənilən "iPhone 8”in texniki xüsusiyyətləri və dizaynı konkretləşməyə başlayır.
XəzərXəbər xəbər verir ki, ötən ilin sentyabr ayında "iPhone 7” və "iPhone 7 Plus” ilə qulaqcıq girişini aradan qaldıran "Apple” yeni kabel ilə istifadəçilərin qarşısına çıxmağa hazırlaşır.
Yeni əlaqə kabelinin adı "Ultra Accessory Connector”dur. Bu kabelin qulaqcıqlarda istifadə edilmək üçün inkişaf etdirildiyi ifadə edilir. "iPhone 7” və 7 plus ilə birlikdə bir çox istifadəçinin köhnə qulaqcıqları yeni cihazlara uyğun gəlmirdi. Yeni kabelin həm USB-C, həm də "Lightning”dən daha kiçik olduğu qeyd edilib.
Yeni telefonla ilk dəfə barmaq izi sensorunun əvəzinə, ekran sahəsini genişləndirərək istifadəçilərin telefonu açmaqları üçün göz bəbəyindən istifadə edilməsini istəyir. Yəni ekran kilidini açarkən barmaq izini vermək və ya şifrə əvəzinə telefonun ön hissəsinə baxmaq kifayət edəcək.
Dünyanın məhşur "Apple” təhlilçilərindən biri olan Ming-Çi Kounun iddialarına görə, "iPhone 8” kabelsiz enerji yığmaq xüsusiyyətini daşıyacaq. Kounun iddialarına görə, "Apple” artıq telefon qutusuna "Lightning” kabeli qoymayacaq. Başqa bir iddiaya görə kabelsiz enerji aparatı telefondan ayrı satılacaq. Bu aparat sayəsində telefon əlinizdə də enerji yığa biləcək.
"iPhone 8”in daxili də tamamilə yenidən qurulur. OLED ekranla təchiz edilməsi gözlənilən modeldə dövrə hissəsi kiçildirilir. Bunun nəticəsində Plus modelin batareya gücü daha kiçik ölçüdə təqim edilə biləcək.
4,7 inçə yaxən bir ölçüdə olacağı deyilən "iPhone 8”in 2.700 mAh batareya ilə təmin ediləcəyi deyilib. "iPhone 7”nin 1.960 mAh və "iPhone 7 Plus”ın 2.900 mAh batareyaya sahib olduğu nəzərə alınarsa, bunun əhəmiyyətli dəyişiklik olduğunu demək olar.
Yeni telefonda "AppleWatch” ekranı və yeni "MacBook Pro Touch Bar”da istifadə edilən OLED ekrana keçiləcək. Bu da xərcləri yüksəldəcəyi üçün "iPhone 8”in qiyməti çox baha olacaq. OLED ekranlı "iPhone 8” qərarı "Apple”a mart ayında təxminən 50 milyon dollarlıq maliyyə artımına səbəb ola bilər. Bu da yeni telefonların ABŞ-da belə 1000 dollardan başlayaraq satışa çıxarılması deməkdir.