Tovuzda ağır yol qəzası baş verib. VAZ markalı iki avtomobil toqquşub.
Xezerxeber.az-ın məlumatına görə, hadisə rayonun Aşağı Quşçu kəndi ərazisində qeydə alınıb.
Hadisə nəticəsində 25 yaşlı Həzirətabbas Hümbətov və 17 yaşlı Aykut Atayev hadisə yerində dünyasını dəyişiblər. Daha 3 nəfər - 13 yaşlı Uğur Hüseynov, 21 yaşlı Elşən Quliyev və 20 yaşlı Nurlan Abbasov müxtəlif bədən xəsarətləri alıb və xəstəxanaya yerləşdiriliblər.
Xəsarət alanların vəziyyəti orta-ağır və ağır qiymətləndirilir.
Qubada isə avtomobil Samur-Abşeron kanalına aşıb, sərnişin boğulub. İyunun 27-də saat 22 radələrində rayonun Hacıhüseynli kəndi ərazisində Qımılqışlaq kənd sakini Sərxan Əlixanov idarə etdiyi avtomobili Samur-Abşeron kanalına aşırıb. Nəticədə sürücü sudan çıxarılıb, sərnişini Rəvan Əmirov isə suda boğulub.
Hər iki faktlarla bağlı araşdırma aparılır.
Xezerxeber.az mövzu ilə bağlı daha ətraflı videomaterialı təqdim edir: