Hövsan yolunda təmir işləri nə vaxt bitəcək? VİDEO

Bir müddətdir ki, təmirə bağlanan yolda işlər hələ də davam edir. Təmir işlərinin bu qədər uzanması isə həm qəsəbədə yaşayan insanların, həm də çimərliyə gedənləri çətin vəziyyətdə qoyur. Söhbət Hövsan yolundan gedir. İş icraçıları isə təmir-tikintinin plana uyğun aparıldığını deyirlər.

1 ildən çoxdur təmirə başlanan yolda işlər hələ də yekunlaşmayıb.

Söhbət paytaxtın Suraxanı rayonu Hövsan qəsdəbəsində gedən yoldan gedir. 7 kilometirlik yolda təmir işlərinə keçən ilin aprel ayından başlanıb.

Sürücülər yolun daralmasına görə qəzaların baş verdiyini və uzun tıxacların yarandığını deyir. Xüsusən həftə sonu Hövsan-Türkan çimərliklərinə gedənlərin də bu yoldan istifadə etməsi yolda tıxacların yaranmasına səbəb olur.

Sakinləri narahat edən digər problem küləyin tozu ətrafa yaymasıdır. Bəzən vəziyyət o həddə çatır ki, yolun sonuna qədər avtomobillərin şüşəsini açmaq mümkün olmur.

''Azəravtoyol'' Açıq Səhmdar Cəmiyyətindən bildirilir ki, işlər plana uyğun olaraq həyata keçirilir. Yolun təmiri planda nəzərdə tutulan vaxtda başa çatdırılıb sürücülərin ixtiyarına veriləcək.

Çimərliyə gedən insanların çətinliklə üzləşməsinə gəlincə isə ''Azəravtoyol'' Açıq Səhmdar Cəmiyyətin sahə rəisi Davud Həmidov sürücülərə alternativ yollardan istifadə etməyi tövsiyə edir.