Xəzər Xəbər

Balakən və Zaqatala rayonlarında baş verən daşqınlara helikopter cəlb olunub

Region | 15:50 • 23 Sentyabr 2021
Balakən və Zaqatala rayonlarında baş verən daşqınlara helikopter cəlb olunub

Fövqəladə Hallar Nazirliyinin (FHN) 112 - qaynar telefon xəttinə Balakən və Zaqatala rayonlarının sakinlərindən sentyabrın 23-də gecə saatlarından başlayaraq küləklə müşayiət olunan intensiv yağışların yağması və yaranan fəsadların aradan qaldırılması ilə əlaqədar müraciətlər daxil olub.

FHN-in mətbuat xidmətindən xezerxeber.az-a bildiriblər ki, qəbul edilmiş müraciətlərlə əlaqədar olaraq, ilk növbədə, nazirlik tərəfindən əməliyyat şəraitinin qiymətləndirilməsi aparılıb. Müəyyən olunub ki, intensiv yağan yağışlar nəticəsində Balakən, Katex, Mazım, Muxax və Tala çaylarında sululuq artıb, qısamüddətli daşqın və sel yaranıb. Balakən və Zaqatala rayonlarının bir neçə yaşayış məntəqəsində bəzi fərdi evlər, həyətyanı və əkin sahələri, digər obyektlər və onların ətrafı subasmaya məruz qalıb.

Yağıntıların törətdiyi fəsadların aradan qaldırılması üçün FHN-in müvafiq qüvvələri, o cümlədən aviasiya dəstəsinə məxsus helikopter yerli icra hakimiyyəti orqanlarının nümayəndələri ilə birgə xilasetmə, suçəkmə və digər təxirəsalınmaz təcili tədbirlərin həyata keçirilməsinə cəlb olunub.

Hadisə ilə bağlı əlavə məlumat veriləcək.

Xəbər lenti

Devalvasiya gözlənilir? VİDEO
20:31 • 24 Oktyabr 2021
Polis Masallıda reyd keçirib
16:11 • 24 Oktyabr 2021