Bu gün futbol üzrə Çempionlar Liqasında (ÇL) yarımfinal mərhələsinin daha bir ilk oyunu keçiriləcək.
XəzərXəbər xəbər verir ki, turnirin son qalibi "Real” Almaniyada "Bavariya”nın qonağı olacaq. Bu kollektivlər avrokuboklarda rekord sayda – 25-ci dəfə üz-üzə gələcəklər. Madridlilər ötən mövsüm 1/4 finalda məhz münhenliləri mübarizədən kənarlaşdırıblar.
"Bavariya” Yupp Haynkesin rəhbərliyi altında 3 dəfə ÇL-də çıxış edib və hamısında da finala yüksəlib. "Real” isə Zinəddin Zidanın baş məşqçiliyində ardıcıl 3-cü dəfə yarışın qalibi olmağı hədəfləyib.
2013-cü ildə "Bavariya” ilə ÇL-i qazanan Haynkes, 1998-ci ildə "Real”ın baş məşqçisi qismində də anoloji uğura imza atıb.
Çempionlar Liqası. Yarımfinal, ilk oyun
25 aprel
22:45. "Bavariya” (Almaniya) – "Real Madrid” (İspaniya)
Baş hakim: Byörn Keypers (Hollandiya)
Qeyd edək ki, digər ilk yarımfinal görüşündə "Liverpul" İngiltərədə "Roma"nı darmadağın edib - 5:2.
