Ermənistanın İranda ticarət attaşesi fəaliyyət göstərəcək

Ermənistanın İranda ticarət attaşesi fəaliyyət göstərəcək.

Bu barədə qərar Ermənistan hökumətinin aprelin 15-də keçirilən iclasında qəbul olunub.

Bildirilib ki, son zamanlar İranla iqtisadi-ticarət sahəsində əməkdaşlığın genişlənməsi müşahdiə edilir.

“İran İslam Respublikasının yüksək vəzifəli rəsmi şəxsləri ilə əldə edilən razılaşmalar nəticəsində iki ölkə arasında iqtisadi-ticarət əlaqələrinin genişlənməsi, eləcə də ikitərəfli ticarəti həcminin artması istiqamətində fəaliyyət göstərilir. Ermənistan Statistika Komitəsinin məlumatına görə, 2020-ci ildə ticarət dövriyyəsi 400,2 milyon ABŞ dolları təşkil edib. Ermənistandan İrana ixracat 84,8 milyon ABŞ dolları, İrandan Ermənistana ixracata isə 315,4 milyon ABŞ dolları olub”, - Ermənistan hökumətinin yaydığı məlumatda vurğulanıb./report