Rusiya silahlı qüvvələri Suriyada üç il davam edən münaqişə dövründə 112 nəfər itki verib. Bu barədə Rusiya Federasiya Şurasının müdafiə və təhlükəsizlik komitəsinin sədri Viktor Bondarev məlumat verib.
Xezerxeber.az xəbər verir ki, V.Bondarevin sözlərinə görə, ötən dövr ərzində hərbi qulluqçuların əksəriyyəti 2017-ci ildə Xmeymi aviabazasında AN-26 təyyarəsinin və bu yaxınlarda raket atəşinə məruz qalmış İl-20 təyyarəsinin qəzaya uğraması nəticəsində həlak olub. Həmçinin qeyd edib ki, Suriyada döyüşlərdə Rusiya tərəfi 8 təyyarə, 7 helikopter, bir neçə zirehli maşın itirib.