İranın qərb bölgəsində zəlzələ nəticəsində bir sıra tarixi abidələr zərər görüb.
Bu barədə İranın Mədəni İrs, Əl İşləri Sənayesi və Turizm Təşkilatının sədri Əli Əsgər Munisan bildirib.
"Zəlzələ Kermanşah əyalətində 5 tarixi obyektə, İlam əyalətində isə 7 abidəyə zərər verib. Onlar bərpa edilə bilər", - o deyib.
Qeyd edək ki, noyabrın 12-də İran-İraq sərhədində 7,3 bal gücündə yeraltı təkan olub. Təbii fəlakət nəticəsində İranda 407 nəfər ölüb, 6 mindən çox insan isə yaralanıb. İraqda isə zəlzələdə ölənlərin sayı 8 nəfərə, xəsarət alanlar isə 425 nəfərə çatıb./publika.az