UEFA 2018/2019 mövsümündən etibarən Çempionlar Liqası və Avropa Liqası matçlarının əlavə vaxtlarında 4-cü əvəzetmədən istifadə etməyə icazə verib.
Bu barədə UEFA-nın rəsmi saytı məlumat yayıb.
Yeni qaydalara əsasən, əsas vaxtda əvvəlki kimi 3 dəyişiklik edilə biləcək. Ancaq əlavə vaxt olacağı təqdirdə, 4-cü əvəzetməyə də icazə veriləcək.
Qeyd edək ki, əlavə vaxtda 4-cü əvəzetmə ilk dəfə olaraq bu Dünya Çempionatında tətbiq olunmağa başlanılıb.
