Bakı 19 ℃
Xəzər Xəbər
USD 1.7

İdarə rəisinin minaya düşdüyü ərazidə daha 3 mina tapıldı

Bunu Azərbaycan Respublikasının Minatəmizləmə Agentliyinin supervayzeri Xaliq Zülfüqarov deyib.
Hadisə | 245 | 13:42 • 4 Mart 2021
İdarə rəisinin minaya düşdüyü ərazidə daha 3 mina tapıldı

Ağdamın Novruzlu kəndində Mexaniki Suvarmalar Sistemi İdarəsinin rəisi Hafiz Əzimzadənin minaya düşdüyü ərazidə əlavə olaraq 3 ədəd Ermənistan istehsalı olan PMN - piyada əleyhine mina aşkarlanıb.

XəzərXəbər bildirir ki, bunu Trend-ə Azərbaycan Respublikasının Minatəmizləmə Agentliyinin supervayzeri Xaliq Zülfüqarov deyib.

Onun sözlərinə görə, bundan başqa, rayon ərazisinə baxış keçirilən zaman 39 ədəd PMN mina aşkarlanıb. Həmçinin, 8 ədəd TM-62 P2 mina aşkarlanaraq zərərsizləşdirilib.

Axtarış işləri aparılır

Agentliyin əməkdaşları hazırda təcili təxirəsalınmaz işlərini davam etdirir. Ağdam rayon ərazisində aşkar olunmuş 100-ə yaxın TM62 P2 tank əleyhinə mina partlayış işləri aparılır.

Agentlik insanların işğaldan azad olunmuş ərazilərə keçməməsini xahiş edir, ərazinin son dərəcə təhlükəli olduğu bildirilir.

Çox oxunanlar

Bu gün hava necə olacaq?
84 | 09:06 • 20 Aprel 2021
Bir həftə iş olmayacaq
302 | 17:16 • 19 Aprel 2021
Qubadlının Yuxarı Mollu kəndi video
1,043 | 11:28 • 24 Mart 2021