“Əlincə” futbol klubu "Khazar İsland"ın prezidenti Hacı İbrahim Nehrəmlinin deyil”.Bu sözləri Masazır qəsəbəsində yerləşən “Qurtuluş” yaşayış massivini ərsəyə gətirən “Baxçalı evlər MTK” nın nümayəndəsi deyib. O bildirib ki, dünən bir sıra mətbuat orqanlarında Hacı İbrahim Nehrəmlinin futbol sektoruna daxil olmaq istəyi barədə yayılan xəbərlər doğru deyil: “Əlincə” futbol klubu artıq 2010-cu ildə yaradılıb və iş adamı olan Hacı Məhərrəm Novruzova məxsusdur. Bu klubun Hacı İbrahim Nehrəmli ilə bağlılığı yoxdur. Klub yeniyetmələrin “U-15” liqasında çıxış edir və uğurlu nəticələr də qazanır”.
“Baxçalı evlər MTK”nın nümayəndəsi həmçinin bildirib ki, “Qurtuluş” yaşayış massivi də İbrahim Nehrəmliyə aid deyil./qafqazinfo.az