"Zeytun budağı" əməliyyatı zamanı 153 obyekt məhv edilib

Türkiyə Afrində PYD və YPG əleyhinə keçirdiyi "Zeytun budağı" əməliyyatı zamanı terrorçuların 153 obyektini məhv edib. Trend-in məlumatına görə, bu barədə Türkiyə Baş Qərargahının məlumatında bildirilib.

Məlumata görə, əməliyyatlar davam etdirilir.

Xatırladaq ki, daha öncə Türkiyənin baş naziri Binəli Yıldırım bildirmişdi ki, Suriyanın Afrin şəhərində təxminən 8-10 min PYD və YPG terrorçusu var.

Qeyd edək ki, yanvrın 20-də Türkiyə Afrində "Zeytun budağı" əməliyyatlarına başlayıb. Əməliyyata Türkiyə Hərbi Hava Qüvvələrinin F-16 təyyarələri aviazərbələr üçün cəlb edilib.