Parisdə keçirilən Yüksək Moda Həftəsində ("Paris Fashion Week Show") "L'Oréal Paris" brendinin xüsusi byuti-nümayişi olub.
Milli.Az European-a istinadən bildirir ki, Yelisey Çöllərindəki nümayişdə məşhur aktrisalar Ceyn Fonda və Helen Mirren ilk dəfə olaraq podiuma çıxıblar.
72 yaşlı H.Mirren və 79 yaşlı C.Fonda xarizmaları, gözəllikləri ilə furor yaradıblar.
Helen Mirrenin dediyinə görə, model təki debütünü bəyənib.
Onlardan bir qədər əvvəlisə supermodellər İrina Şeyk, Dautsen Kres və Byanka Balti, daha sonra 34 yaşlı müğənni Şeril Krou podiumda olublar.