Bakı 33 ℃
Xəzər Xəbər
USD 1.7

AVRO-2020: Tanınmış referini yenə köməkçisi pis vəziyyətdə qoydu

İdman | 12:37 • 12 İyun 2021
AVRO-2020: Tanınmış referini yenə köməkçisi pis vəziyyətdə qoydu

Türkiyə və İtaliya yığmaları arasında AVRO-2020-nin açılış matçının baş hakimi Denni Makkelinin idarəçiliyi böyük narazılığa səbəb olub.

Oyunun gedişində bəzi mübahisəli qərarlar verən niderlandlı referinin ən kobud səhvi 47-ci dəqiqəyə təsadüf edib.

Meydan sahiblərinin hücumçusu Lorentso İnsinye künc zərbəsi zamanı topu yanındakı komanda yoldaşı Domeniko Berardiyə ötürüb. Bu vaxt yan xətt hakimi Hessel Steqstra ofsayd qeydə alıb. Referi isə dərhal oyunu dayandırıb. Halbuki qaydalara əsasən, futbolçu topu künc nöqtəsindən qəbul edərkən oyundankənar vəziyyətdə olmur.

Bu, cari ildə Makkelinin başına gələn ikinci kuryoz hadisədir. 38 yaşlı referi daha əvvəl keçmiş köməkçisi Mario Diksin kobud səhvi ucbatından Portuqaliya millisinin kapitanı Kriştianu Ronaldunun Serbiya yığması ilə DÇ-2022-nin seçmə mərhələ görüşündə (2:2) qaydalar çərçivəsində vurduğu qolu qeydə almayıb. Nəticədə Makkeli həmin laysmanı öz briqadasından kənarlaşdırıb.

Qeyd edək ki, Türkiyə - İtaliya matçı "ay-ulduzlular"ın 0:3 hesablı məğlubiyyəti ilə başa çatıb./report

Xəbər lenti

Çox oxunanlar