Xəzərdə itkin düşən balıqçılardan 3-ü xilas edildi

Dövlət Sərhəd Xidmətinin (DSX) Sahil Mühafizəsi tərəfindən Xəzər dəni­zinə çıxan üzmə vasitələrinə nəzarətin təşkili və xilasetmə təd­birlərinin həyata keçirilməsi davam etdirilir.

XəzərXəbər DSX-nə istinadən xəbər verir ki, sentyabrın 8-də saat 10:20 radələrində Fövqəladə Hallar Nazirliyinin Böhran vəziyyətlərdə idarəetmə mərkəzindən DSX-nin Sahil Mühafizəsinə 02.10.2019-cu il tarixdə dənizə çıxmış SA-1672 bort nöm­rəli 4 nəfər heyət üzvü olan bayda tipli üzmə vasitəsi ilə 07.10.2019-cu il saat 16:00 radələrindən sonra əlaqənin kəsilməsi barədə məlumat daxil olub. Bu məlumat alındıqdan dərhal sonra dövlət sərhədinin mühafizə­sində olan sərhəd gözətçi gəmilərinə axtarış barədə tapşırıqlar verilib və əraziyə yaxın fəaliyyət göstərən bütün üzmə vasitələri məlu­matlan­dırılıb.

Aparılan birgə axtarış tədbirləri nəticəsində itmiş qayığın 3 nəfər heyəti aşkar olunaraq xilas edilib və sentyabrın 9-da saat 00:55 radələrində dənizdə dövlət sərhədinin mühafizəsində olan "Şahdağ" tipli gə­minin bortuna götürülüb. Xilas edilən balıqçılar ilkin tibbi yardım göstərilərək isti geyim və qida ilə təmin olunub, saat 07:10 radələrində Sahil Mühafizəsinin ba­za­sına gətiriliblər. Xilas edilən şəxslərin Neftçala rayonu sakinləri 1980-ci il təvəllüdlü Babayev Valeh Vidadi oğlu, 1975-ci il təvəllüdlü Cəfərov Elbrus Yəhya oğlu, 1971-ci il təvəllüdlü Əhmədov Aqil Şamil oğlu olmaları müəyyən edilib.

Üzmə heyətinin digər üzvü Neftçala rayo­nu­nun sakini 1976-cı il təvəl­lüdlü Quliyev Vurğun Akif oğlunun axtarışları hal-hazıradək nəticə verməyib.

Rubrikanın digər xəbərləri

Ceyranbatan su kanalında batan 13 yaşlı yeniyetmənin meyiti TAPILDI

14:38 • 27 Aprel 2024

ANAMA-nın əməkdaşı Şuşada minaya düşüb

13:00 • 27 Aprel 2024

Azərbaycan Ordusunda keçirilən komanda-qərargah təlimləri başa çatıb

227 | 10:06 • 27 Aprel 2024

Cəbrayılın Soltanlı qəsəbisinin yenidənqurma işlərinin tamamlanacağı tarix AÇIQLANDI

12:55 • 25 Aprel 2024

Masallıda 5 kq narkotikin satışına görə 2 nəfər TUTULDU

10:38 • 23 Aprel 2024

Ağdaşda internet xətlərini oğurlayanlar və narkotacirlər SAXLANILDI

08:44 • 22 Aprel 2024

Xaçmaz bazarında YANĞIN

19:48 • 21 Aprel 2024

Kürdə atası ilə batan uşağın meyiti TAPILDI

10:06 • 21 Aprel 2024

Bakıda oteldə yanğın baş verib

19:50 • 20 Aprel 2024

Taxta bazarında yanğın söndürülüb YENİLƏNİB-2/FOTO

19:35 • 20 Aprel 2024