Bakıda ana və qızı itkin düşüb

Maştağa qəsəbəsində ana və azyaşlı qızı itkin düşüb.

Hadisə Bakı şəhəri, Maştağa qəsəbəsi, Savalan yaşayış massivində qeydə alınıb.

Sözügedən ərazidə yaşayan 1995-ci il təvəllüdlü Əhmədova Gülnar Bilal qızı azyaşlı övladı - 2014-cü il təvəllüdlü Əhmədzadə Könül Ədalət qızını da götürərək heç kəsə bir söz demədən evdən çıxıb.

Bu barədə hüquq-mühafizə orqanlarına onun qardaşı, 1992-ci il təvəllüdlü Məmmədov Musa Bilal oğlu məlumat verib.

Fakt üzrə Sabunçu rayon Polis İdarəsi tərəfindən araşdırma aparılır. (Oxu.Az)