Qadın xəstəxanada öldü Əri həkimləri günahlandırır

Qadın diabet xəstəsi imiş

Qax rayonunda şəkərli diabet xəstəsi xəstəxanada dünyasını dəyişib.

Hadisə noyabrın 1-də baş verib. Rayonun Güllük kənd sakini, 1960-cı il təvəllüdlü Məmmədova Tamam Qurban qızı həmin tarixdə insulit və şəkərli diabet xəstəliyi ilə Qax rayon Mərkəzi Xəstəxanasına yerləşdirilib və orada dünyasını dəyişib.

Qadının həyat yoldaşı Məmmədov Mais Hacıməmməd oğlu mərhumun ölümündə xəstəxananın tibbi personalını günahlandırıb və faktla bağlı rayon prokurorluğuna müraciət edib.

Müraciət əsasında meyit məhkəmə-tibb ekspertizasında daxili müayinə olunub.

Faktla bağlı araşdırmalar davam etdirilir. (trend)