Ekologiya və Təbii
Sərvətlər Nazirliyinin Su Hövzələrində Bioloji Resursların Artırılması
və Mühafizəsi Departamentinin əməkdaşları tərəfindən balıq və digər su
bioresurslarının mühafizəsi məqsədilə növbəti reyd keçirilib.
ETSN-dən XəzərXəbər-ə verilən məlumata görə, Mingəçevir su anbarının Yevlax rayonu ərazisində keçirilən reyd zamanı qanunsuz balıq ovu edən şəxs saxlanılıb.
Qanun pozucusu Yevlax
rayon sakini Şəhriyar Hüseynovdan 13 ədəd sıf balığı, 1 ədəd sintetik
saplı tor götürülüb və barəsində balıq ehtiyatlarına vurulan ziyana görə
429 manat məbləğində iddia qaldırılıb.
Faktla bağlı qanun
pozucusu barəsində cərimə qərarının çıxarılması və qanunamüvafiq tədbir
görülməsi üçün toplanmış sənədlər hüquq-mühafizə orqanına göndərilib.