Bu gün Bakı şəhəri, Nizami rayonunda "Mercedes” markalı mikroavtobusun salonunda idarəetmə lövhəsi yanıb.
Xezerxeber.az-ın Fövqəladə Hallar Nazirliyinin saytına istinadən verdiyi xəbərə görə, mikroavtobusun qalan hissəsi yanğından mühafizə olunub. Yanğın saat 06:10-da yanğınsöndürənlər tərəfindən söndürülüb.
Xaçmaz rayonu, Xaçmaz-Xudat yolunun 4-cü kilometrliyində isə vətəndaşa məxsus "MAN” markalı yük avtomobilinin kabina hissəsi yanıb. Avtomobilin qalan hissəsi yanğından mühafizə olunub. Yanğın saat 06:53-də yanğınsöndürənlər tərəfindən söndürülüb