Zelenski və ailəsinin gəliri açıqlanıb

Ukrayna Prezidenti Volodimir Zelenski 2023-cü il üçün əmlak, gəlir və xərclər haqqında bəyannamə dərc edib.

Xezerxeber.az yerli mediaya istinadən bu barədə Ukrayna Prezidentinin saytında məlumat verilib.

Sənədə əsasən, Zelenski və ailəsinin gəliri 12 milyon 423 min 008 qrivna (təxminən 317 min ABŞ dolları) təşkil edib. Bu vəsaitin 7 milyon 455 min 972 qrivnası (190 min ABŞ dollarından çox) daxili dövlət borc istiqrazlarının satışından əldə edilib.

Zelenskilər ailəsinin 2023-cü ildəki gəliri əsasən əməkhaqqı, bank faizləri və daşınmaz əmlakın kirayə verilməsindən əldə edilən gəlirdən ibarət olub. Ümumilikdə bu məbləğ 4 milyon 967 min 036 qrivna (təxminən 127 min ABŞ dolları) təşkil edib.

Prezident aparatı ötən illə müqayisədə gəlirlərin artmasını kirayə haqqının bərpası ilə izah edib.

2021-ci ildə Zelenski ailəsinin ümumi gəlirini 10,824 milyon qrivna (276 min ABŞ dollar), 2022-ci ildə isə Ukrayna liderinin və ailəsinin gəliri təxminən üç dəfə azalaraq 3,692 milyon qrivna (94 min ABŞ dollarından çox) təşkil etmişdi.