Rusiyanın Ukraynada hərbi itkiləri sürətlə artır

Ukraynadakı döyüşlər nəticəsində fevralın 24-dən bu günə qədər Rusiyanın 27 200 hərbçisi zərərsizləşdirilib.

Xezerxeber.az xəbər verir ki, bu barədə Ukrayna Müdafiə Nazirliyinin "Facebook" səhifəsində bildirilib.

Məlumata görə, fevralın 24-dən bu gün səhər saatlarına qədər Rusiya Ordusunun 1 218 tankı, 2934 zirehli döyüş maşını, 551 artilleriya sistemi, 195 reaktiv yaylım atəşi sistemi, 88 havadan müdafiə sistemi, 200 hərbi təyyarəsi, 163 helikopteri, 2059 avtomobil texnikası və yanacaq çəni, 13 gəmi/kateri, 411 dronu, 42 xüsusi avadanlığı, 95 qanadlı raketi məhv edilib.