Daha bir epidemiya yüzlərlə can aldı

Nigeriyada Lassa qızdırması epidemiyası kütləvi can alıb.

İnfeksiya səbəbilə ilin əvvəlindən bəri 216 nəfər dünyasını dəyişib.

Ölkənin Xəstəliklərə Nəzarət və Profilaktika Mərkəzinin məlumatına görə, 27 əyalətdə 1036 yoluxma qeydə alınıb.

Qeyd edək ki, Lassa qızdırması heyvandan insana keçən infeksiya nəticəsində əmələ gəlir. Hər il quraqlıq dövrünün yaşandığı noyabr-may aylarında kəskinləşən Lassa epidemiyası səbəbilə ötən il 129 nəfər ölmüşdü.

Mali, Toqo, Qana, Liberiya və Sierra-Leone kimi bir çox Afrika ölkəsində rast gəlinən epidemiya siçan nəcisi ilə təmas nəticəsində insana keçir.