Camal Qaşıqçının qətli ilə bağlı 5 nəfər barəsində edam hökmü çıxarılıb

Səudiyyə Ərəbistanının İstanbuldakı Baş konsulluğunda qətlə yetirilən amerikalı jurnalist Camal Qaşıqçı ilə bağlı açılan cinayət işi üzrə 5 nəfərə edam cəzası verilib.

APA-nın Türkiyə mediasına istinadən verdiyi xəbərə görə, Səudiyyə Ərəbistanında məhkəmə bu cinayət işi üzrə əlavə olaraq 3 nəfəri ümumilikdə 24 illik həbsə məhkum edib. Məhkəmə bu cinayətin təşkilində şübhəli bilinən Səudiyyə Ərəbistanı Kral Məhkəməsinin müşaviri Səud əl-Kahtaninin əməlində cinayət dəlilləri olmadığını bildirərək, onu azadlığa buraxıb.

Səudiyyə Ərəbistanı Prokurorluğu ölkənin İstanbuldakı keçmiş baş konsulu Məhəmməd əl-Uteybinini də ittiham etməyib.