Gürcüstan Baş Nazirinin müavini, Daxili İşlər naziri Georgi Qaxariya NATO-nun Tərəfdaşlıq Ofisinin rəhbəri Rozario Puqlis ilə görüşüb.
AZƏRTAC xəbər verir ki, görüşdə Gürcüstanda və Cənubi Qafqazda təhlükəsizlik, o cümlədən hibrid təhdidlər və s. məsələlər müzakirə olunub.
DİN-in yaydığı məlumatda deyilir ki, söhbət zamanı, təhlükəsizliyin gücləndirilməsi və Gürcüstanın müdafiə qabiliyyətinin artırılmasının vacibliyi xüsusi qeyd olunub.
G.Qaxariya ölkəsinin Milli Təhlükəsizlik Şurasının yeni konsepsiyası barədə R.Puqlisə ətraflı məlumat verib.