ABŞ-da gülləbaran: azı 5 nəfər ölüb

ABŞ-ın Kaliforniya ştatında 5 nəfəri güllələyən şəxs sonradan intihar edib.

Xezerxeber.az TASS informasiya agentliyinə istinadla xəbər verir ki, insident Beykersfild şəhərində baş verib.

Hücum edən şəxs həyat yoldaşı ilə birgə nəqliyyat kompaniyasının ofisinə gəlib və burada digər müştəri ilə aralarında münaqişə yaranıb. O, həmin adamı güllə ilə vurub və bundan sonra həyat yoldaşını və kompaniyanın ofisinə daxil olan daha bir nəfəri qətlə yetirib.

Sonradan cinayətkar yaşayış evinə soxularaq daha iki nəfəri öldürüb. Şəhərin başqa rayonundan avtomobil qaçıran qatil polisin onu təqib etdiyini görərək özünü öldürüb.

Hadisə ilə bağlı təhqiqat başlayıb, cinayətin motivləri bəlli deyil.