Gürcüstanın keçmiş prezidenti və
Ukraynanın Odessa vilayətinin keçmiş qubernatoru Mixail Saakaşvili rəsmi
Tbilisi tərəfindən yeni müraciət ediləcəyi təqdirdə Gürcüstana
ekstradisiya edilə bilər.
Bu barədə Ukraynanın Baş Prokurorluğundakı mənbə "Ukrayna Həqiqətləri" adlı nəşrə bildirib.
Qeyd olunub ki, Mixail Saakaşvili Ukraynanın vətəndaşlığından məhrum
edilib ki, bu da ekstradisiyanı mümkün edib. Belə ki, keçmiş prezident
Ukraynaya qayıdan zaman onun passportu əlindən alınacaq və neytral
zonada saxlanılacaq. Bundan sonra Mixail Saakaşvili müraciət edilən
ölkəyə göndəriləcək.