Argentina 1/4 finalda VİDEO

Amerika Kubokunda III turun oyunları davam edir.

Braziliyanın ev sahibliyi etdiyi yarışda ötən axşam B qrupunda mübarizəyə yekun vurulub. İlk iki turda cəmi bir xal qazanan Argentina Qətərlə qarşılaşıb və 2:0 hesablı qələbəyə sevinib. Qollara Lautaro Martines və Serxio Aquero imza atıb.

Qrupun digər oyununda Kolumbiya Paraqvayla üz-üzə gəlib. Kolumbiyalılar Qustavo Kuelların yeganə qolu ilə qələbəni bayram edib.

Bu nəticələrdən sonra Kolumbiya 9 xalla birinci, Argentina 4 xalla ikinci pilləni tutaraq 1/4 finala çıxıb. 2 xalı olan Paraqvay ən yaxşı iki qrup üçüncüsündən biri olaraq növbəti mərhələyə çıxa bilər.

Fanat.Az