Kanadanın baş naziri Castin Trüdo rok-musiqiçi Qordon Dauninin ölməyi ilə bağlı çıxışı zamanı göz yaşlarını saxlaya bilməyib.
Bu barədə "CBC news” xəbər verir.
"Qord mənim dostum idi, o, bizim hamımızın dostu idi. Bizim əziz Qordumuz”, - Trüdo bildirib.
"Bizim ölkəmiz Qord Daunisiz sanki kiçildi. Göz yaşlarımı saxlaya biləcəyimi düşünürdüm, amma bu, dözülməzdir”, - deyə baş nazir etiraf edib.
Qordon Dauni Kanadanın ən məşhur rokçusu və "The Tragically" qrupunun frontmeni idi. 53 yaşlı müğənni oktyabrın 17-də beyin xərçəngi xəstəliyindən dünyasını dəyişib.