Quba rayonunun Çartəpə kəndinin sakini Toğrul Orucovun COVID-19 testinin nəticəsi pozitiv olduğu üçün ev şəraitində müalicə təyin edilməsinə baxmayaraq, yaşadığı ünvanı tərk etməsi müəyyənləşdirilib.
Daxili İşlər Nazirliyinin mətbuat xidmətinin Quba regional qrupundan xezerxeber.az-a bildiriblər ki, rayon polis şöbəsinin əməkdaşları həmin şəxslə profilaktik söhbətlər aparıb və onu yaşadığı ünvana geri qaytarıblar.
Faktla bağlı rayon polis şöbəsində araşdırma aparılır.