Vaxtilə Ottava merliyinə namizədliyini irəli sürən 55 yaşlı sahibkar Bryus Makkonvil keçmiş arvadına aliment ödəməmək üçün bütün pullarını yandırıb.
Bu barədə "Ottawa Citizen” xəbər yayıb.
Ehtimal olunur ki, o, varidatını və biznesini arvadının xəbəri olmadan satıb, sonra isə bir milyondan artıq Kanada dollarını (təqribən 1300700 AZN) bank hesabından çəkərək yandırıb. O, bu yolla keçmiş arvadını alimentsiz qoymaq istəyib.
Makkonvilpulları yandırdığı barədə məhkəməyə sübut təqdim edə bilməyib. O, yanında şahid olmadığını və prosesi videoya çəkmədiyini deyib. Ali Məhkəmənin hakimi isə onun sözlərinə inanmayıb və onu məhkəməyə hörmətsizlikdə təqsirləndirib.
Hakim vurğulayıb ki, Makkonvil pulları yandırıbsa belə, uşaqlarının rifahı üçün çalışmadığına görə təqsirkardır. Varidatı barədə məlumatı gizlətmək cəhdinə görəkişi 30 gün müddətinə azadlıqdan məhrum edilib. Bundan başqa, o, 2000 Kanada dolları məbləğində cərimələnib.
Bununla belə, biznesmen maliyyə məlumatlarını məhkəməyə təqdim etmədiyi üçünuşaqlarına və keçmiş xanımına ödənəcək məbləğ barədə hakim qərar verə bilməyib. Nəticədə, sahibkar onlara heç nə ödəməyib. (oxu.az)
