Xəzər Xəbər

Ronaldo dələduzluğun qurbanı oldu - MƏBLƏĞ

İdman | 17:04 • 20 Sentyabr 2021
Ronaldo dələduzluğun qurbanı oldu - MƏBLƏĞ

"Mançester Yunayted" klubunun portuqaliyalı futbolçusu Kriştianu Ronaldo dələduzluğun qurbanına çevrilib.

Portuqaliyanın "Jornal de Noticias" nəşri xəbər verir ki, turizm agenti adı altında fəaliyyət göstərən dələduz xanım futbolçunu 288 min avro ziyana salıb.

Özünü turizm agenti kimi təqdim edən 53 yaşlı qadın futbolçudan baş tutmayan 200-ə yaxın gəzinti üçün pul alıb. Məsələ burasındadır ki, futbolçu öz kart hesabını və digər məxfi məlumatları illər öncə həmin qadına veribmiş. Bir neçə il ərzində adı açıqlanmayan qadın hesabdan hissə-hissə, ümumilikdə 288 min avro pul çıxarıb. 

Məlumatda qeyd olunur ki, dələduz tanınmış futbolçu Luiş Nani (Luis Nani), Manuel Fernandeş (Manuel Fernandes) və Ronaldonun meneceri Jorje Mendeşi (Jorje Mendes) də aldatmağa cəhd edib.

Qeyd edək ki, 2017-ci ildə qadını törətdiyi əməllərə görə həbs ediblər. Hazırda "turizm agenti" 4 ildir ki, dustaq həyatı yaşayır və dələduzluq yolu ilə əldə etdiyi pulları hissə-hissə geri qaytarır./Fanat.Az 

Xəbər lenti

Devalvasiya gözlənilir? VİDEO
20:31 • 24 Oktyabr 2021
Polis Masallıda reyd keçirib
16:11 • 24 Oktyabr 2021