Rüstəm Orucov “Böyük dəbilqə” turnirində bürünc medal qazanıb

Almaniyanın Düsseldorf şəhərində cüdo üzrə "Böyük dəbilqə” turnirində idmançımız bürünc medal qazanıb.

İlk qarşılaşmalarda rəqiblərinə şans verməyən cüdoçumuz Rüstəm Orucovun yarımfinala gedən yolunu Yaponiya təmsilçisi Sohei Ono kəsib. Təsəlliverici görüşlərə qatılan Olimpiya mükafatçımız rusiyalı cüdoçu Musa Moquşkova qalib gələrək bürünc medala layiq görülüb.

Xatırladaq ki, Rüstəm Orucov 2018-ci ildə "Böyük dəbilqə" turnirində gümüş medal qazanmışdı.

Turnirə bu gün yekun vurulacaq. Bu nüfuzlu yarışda ölkəmizi 15 idmançı – 10 kişi və 5 qadın cüdoçu təmsil edir. Turnirdə 93 ölkədən 600-dən çox cüdoçu medallar uğrunda mübarizə aparır.