İndoneziyanın Sulavesi adasında zəlzələ və sunami nəticəsində həlak olanların sayı 405 nəfərə çatıb.
Bu barədə İndoneziyanın Kommunikasiya və İnformasiya Nazirliyinin
ictimaiyyətlə əlaqələr departamentinin rəhbəri Ferdinandus Setu məlumat
yayıb.
Onun sözlərinə görə, hələlik yalnız Palu şəhərində həlak
olanlar barədə məlumat əldə edilir. Bildirilir ki, xilasedicilər hələ də
zəlzələnin episentrinin qeydə alındığı Dunqala rayonuna çatmayıblar. Orada təqribən 300 min əhali yaşayır.