Bir sıra oğurluq
hadisəsi törətməkdə şübhəli bilinən şəxslər polis orqanları tərəfindən
həyata keçirilən əməliyyat tədbirləri nəticəsində saxlanılaraq istintaqa
cəlb ediliblər.
Daxili İşlər Nazirliyinin mətbuat xidmətindən XəzərXəbər-ə
bildiriblər ki, mayın 10-da Xətai Rayon Polis İdarəsinin 34-cü polis
şöbəsi əməkdaşlarının keçirdikləri əməliyyat-axtarış tədbirləri
nəticəsində rayon ərazisində üç mağazadan pul, gümüş və məişət əşyaları
oğurlamaqda şübhəli bilinən dörd nəfərdən ibarət qrup üzvləri
saxlanılıb. Araşdırmalarla onların Yevlax rayon sakinləri Bəxtiyar Zamanov, Aidə Hüseynova və digər iki nəfərin yeniyetmə olduqları müəyyənləşib.
B.Zamanovun
və bir yeniyetmənin aprelin 30-da paytaxtın Nizami rayonu ərazisindəki
mağazaların birindən 12 ədəd mobil telefon və noutbuk oğurladıqları da
məlum olub. Polis əməkdaşları üç mobil telefonu maddi sübut kimi
onlardan götürüblər.
Növbəti əməliyyat tədbirləri ilə üç avtomobildən pul və məişət əşyaları oğurlamaqda şübhəli bilinən Şərur rayon sakini, əvvəllər məhkum olunmuş İsmayıl Məmmədov saxlanılıb. Faktlarla bağlı araşdırmalar aparılır.