Rusiya qüvvələri Lisiçanskın cənubuna doğru 5 km-dən çox irəliləyib - Britaniya kəşfiyyatı

Rusiya qüvvələri iyunun 19-dan bəri Donbasın Lisiçansk şəhərinin cənubuna doğru 5 kilometrdən çox irəliləyib.

Bu barədə Böyük Britaniya Müdafiə Nazirliyinin kəşfiyyat xidmətinin məlumatında qeyd olunub. 

Bildirilib ki, bəzi Ukrayna bölmələri güman ki, mühasirəyə düşməmək üçün geri çəkilib.

Vurğulanıb ki, Rusiyanın bu sektorda yaxşılaşmış performansı, ehtimal ki, onun bölmələrini gücləndirməsinin və güclü atəş cəmləməsinin nəticəsidir.

Məlumatda o da bildirilib ki, Rusiya Lisiçansk-Severodonetsk istiqamətindəki ukraynalıları artan təzyiq altında saxlayır, lakin onun Donetsk vilayətini ələ keçirmək üçün dərin mühasirə yaratmaq səyləri dayanıb. (APA)