Gürcüstan koronavirusun üçüncü dalğasının başlanğıc mərhələsindədir.
Bu sözləri Gürcüstanın səhiyyə naziri Yekaterina Tikaradze söyləyib.
Nazir deyib ki, epidemioloqlar ölkədə koronavirusun üçüncü dalğasının başladığını rəsmən elan edəcəklər: "Vətəndaşlarımız buna hazır olmalı, koronavirusa qarşı mübarizə ilə əlaqədar bütün mümkün vasitələrdən istifadə etməlidirlər”.
Onun sözlərinə görə, koronavirusa qarşı effektiv mübarizə aparmaq üçün kompleks tədbirlər görüləcək, o cümlədən kütləvi vaksinasiya aparılacaq.